Üsi paar Land-Jäger...
...sind all gfrässe und mittlerwiile au scho
verdaut - jawoll, leider isch d'Fasi 2010 scho
wieder Gschicht.
Natürlich isch es schad, aber so isch es, mir sind's
üs ja gwohnt und mer freued üs defür ame umso
meh scho im Vorfäld wieder uf die neu Saison.
Und a propos neui Saison: 1. de Hammer,
d'Fasnacht 2011 goht fasch ändlos ;-) 2. für
üs git's es huufe z'tue, sprich mer döfed üs
nach üsne zwei Johr Jagd und Wild wieder
anes neus Motto änetroue 3. mer freued üs
uf en spassige Summer mit em einte oder
andere Fasi-off Alass aber einisch made mitm
Prädikat "von HF für HF" ;-)
Churz rückblickend döfemer aber au säge, dass mer uf ne cooli Saison zrugglueged, es hed super passt mit üsere Jäger-Truppe, mer händ zwei lässigi Aläss chönne dürefüehre - a dere Stell natürli nomol en Dank a alli Bsuecher, Musige, Fründe, Hälfer, Eltere etc. etc. wo debii gsi sind, ghulfe händ, gsounded händ, presst händ (z.B. nume 200 Splitz inere Stund... e Gruess a die ghärige Birgerfäger a dere Stell ;-)...), Stimmig gmacht händ und so wiiter... wie ihr all wüssed chönntemer wieder ellelangi Büecher fülle, aber mer lönd das - die einte oder andere sind jo sälber debii gsi... ;-)
Churze Iblick, Abklatsch, TratschTratsch...
Biissegueet - Schliiitz - Raclette - I love HF - Danke Doppleschwand - Car verpasst - Perügge - Altar und Tablar - Äntlebuech - Schmudo Zahnarzt - Tschaschper-Zischtig-Träne - Tambi loh uflaufe? - Schnitzelhügel - Wöllmer's tun oder würsch lieber uf's Häfeli? - Hoiiii! - Chläääbere!
Und de hämmer a dere Stell no öppis ganz Bsundrigs z'vermälde: nach 10 Johr goht en Ära zu Ende: de schönst Tambi vo de Zentralschwiiz (Zitat: Christine B.) git nach dere lange Ziit sis Amt ab und mer säged's do no einisch: danke 1000 Raphi bzw. Ehre-Raphi für din Isatz über all die Johr! Schön dass üs erhalte bliibsch! :-)
Aso Leutz, seg's wie's well, es isch super gsi & so wird's au wieder wärde - halted d'Stellig i de Zwüscheziit.
Adiö.
Gugge Holdriofäger
PS: de Highscore vum Game isch glöscht worde ;)